Работна средба со вработените во Центарот за социјална работа во Прилеп
- Details
Во насока на мапирање на достапноста и функционалноста на специјализираните услуги за жени и девојки изложени на насилство, како и оценување на капацитетите и утврдување на тековните проблеми, потреби и пречки со кои се среќаваат давателите на услугите, на 14 октомври ЕХО одржа работна средба со вработените во Центарот за социјална работа во Прилеп.
На средбата беа изложени предизвиците со кои се соочуваат стручните лица во обезбедување на квалитетни, навремени и ефикасни услуги за жените жртви на родово базирано и семејно насилство, како и можностите за меѓусебна соработка со подружницата на ЕХО во Прилеп како давател на специјализирани услуги за бесплатна правна помош, психо-социјална поддршка и економско јакнење на жртвите, користејќи го моделот за мултисекторски интегративен пристап што ЕХО го применува.
Претставници од ЦСР Прилеп се членови на Мултисекторскиот тим за ефикасна заштита на жени изложени на насилство, во кој даваат значаен придонес со својата експертиза и заедно со останатите претставници на општите даватели на услуги, претставуваат неопходна алка во системот на заштита на жртвите.
Мапирањето на услугите за жени и девојки изложени на насилство се спроведува во рамки на проектот „Сите заедно во градење заедници без насилство„ финансиски поддржан од Шведска и Kvinna till Kvinna
Обука - „Превенција од секундарна виктимизација на жртвите на насилство врз жени и семејно насилство“
- Details
„Превенција од секундарна виктимизација на жртвите на насилство врз жени и семејно насилство“, беше темата на обуката која ЕХО ја организираше на 26 октомври, а беше наменета за јакнење на капацитетите на членовите на Мултисекторскиот тим од Штип за ефикасна заштита на жени и девојки изложени на насилство. Иако секундарната виктимизација, која влијае кон дополнително зголемување на трауматските ефекти од преживеаното насилство, е застапена како тема во голем број меѓународни документи, а исто така и во домашната законска легислатива, сепак праксата покажува дека системот на кривичната правда често се карактеризира со предизвикување секундарна виктимизација кај жртвите на кривични дела.
Секундарната виктимизација претставува негативна социјална или општествена реакција која се јавува како последица на примарната виктимизација и се доживува како натамошна повреда на легитимните права на жртвата.
Земајќи ги во предвид потребите, проблемите и барањата на жртвите, ЕХО се залага за актуелизирање на оваа горлива тема и за унапредување на психолошкиот пристап кон жртвите од страна на претставниците на институциите задолжени за заштита на жртвите на насилство врз жени и семејно насилство.
Одбележан Европскиот ден на правдата
- Details
Од 2004 година, секој 25 октомври Советот на Европа и Европската унија го одбележуваат Европскиот ден на правдата низ цела Европа, со цел да ја доближат правдата до граѓаните, да ги информираат за нивните права и да ја промовираат работата на Советот на Европа и Европската комисија во областа на правдата.
ЕХО Едукативно-хуманитарна организација, како овластено здружение за обезбедување на бесплатна правна помош, останува отворена за сите граѓани кои сакаат да остварат или да заштитат свое право и правен интерес од било која правна област, обезбедувајќи им иницијални правни совети за правото на бесплатна правна помош, општи правни совети, општи информации и помош во комплетирање и поднесување на барање за секундарна правна помош, односно за бесплатно адвокатско застапување во судски и управни постапки.
Ви ја споделуваме атмосферата од отворените информативни денови одржани во Прилеп на 12 и 13 октомври. На овој начин ја подигаме свеста на граѓаните за користење на бесплатната правна помош како прв и најважен механизам за олеснување на пристапот до правда, кој треба да е ефикасен, квалитетен и еднаков за сите граѓани.
Граѓаните кои имаат правни потреби и прашања, а кои поради својата финансиска состојба немаат пристап до правда, можат да добијат повеќе информации за начинот на обезбедување на бесплатната правна помош од ЕХО на телефонскиот број 070 22 82 82.
Настанот е дел од проектот „Унапредување на пристапот до правда за граѓаните од Пелагонискиот Регион“ и се организира со финансиска поддршка на Министерството за правда на Република Северна Македонија.
Квартален состанок на членовите на Мултисекторскиот тим од Прилеп за ефикасна заштита на жени изложени на насилство
- Details
Квартален состанок, наменет за членовите на Мултисекторскиот тим од Прилеп за ефикасна заштита на жени изложени на насилство, се одржа на 29 март во Прилеп. На состанокот беше презентирана актуелната функционалност на тимот, од страна на ЕХО беше презентирана Програмата за економско јакнење, ресоцијализација и реинтеграција наменета за жени кои претрпеле насилство, а исто така се дискутираше за начинот на координација и известување, за потребите и предизвиците на МТЗ Прилеп, како и за следните планирани активности за јакнење на капацитетите на мултисекторските тимови со кои координира ЕХО.
Преку женски активизам и иницијативи до родово инклузивна и одговорна општина
- Details
Завршен настан на проектот „Преку женски активизам и иницијативи до родово инклузивна и одговорна општина“.
Голема благодарност на сите жени и девојки, јадро активистки, кои несебично придонесоа за успешен крај на проектот. Вашата поддршка и посветеност ни се секогаш потребни.
- Состанок за усогласување на предлог-акцискиот план за родово-базирано насилство на општина Штип
- Иницијатива на жените од Ново село за уредување на простор со зелени површини и игралиште за деца
- Работилница за подготовка на Политика за раководење со човечки ресурси
- Работилница за подготовка на нацрт верзија на Програма за економско јакнење, ресоцијализација и реинтеграција на жените кои претрпеле насилство
Page 5 of 13