ПОЧЕТНА
Активистки бараат Македонија да ја ратификува Истанбулската конвенција
- Детали
- Создадено на Петок, 21 Август 2015 08:58
27 невладини организации потенцираат дека насилството врз жените и децата треба да биде посебно кривично дело во Кривичнииот законик.
„Сметаме дека е време Република Македонија да му посвети должно внимание на родово базираното насилство и да го криминализира насилството врз жената и системски да ги адресира овие посебни форми на насилство чијашто цел е жената поради нејзината биолошка и социолошка природа... Затоа, бараме итна ратификација на Конвенцијата на Советот на Европа на спречување и заштита од насилство врз жени и домашно насилство (Истанбулска конвенција), којашто ги третира овие видови насилство, специјално насочени кон жените и девојките, низ повеќе одредби…. Ратификацијата на овој документ ќе доведе до соодветно регулирање на силувањето и адекватно казнување на ваквите случаи, а воедно ќе понуди и едно системско менување на институционалниот одговор кон сите видови насилство врз жената и семејно насилство“, се вели во соопштението на Националната мрежа против насилство врз жени и семејно насилство.
По повод соопштението, Бети Пеева од Едукативната хуманитарна организација - ЕХО, една од членките на Мрежата, за Гласот на Америка на македонски јазик изјави: „Глобално гледано, правната регулатива во Република Македонија, во однос на третманот на насилството врз жените, не соодветствува со актуелните меѓународни стандарди. Евидентно, ако се раководиме според статистиките на национално ниво, а и оние кои ги поседува нашата организација, во 96-97% од пријавените случаи на семејно насилство се жени. Овде не можеме да зборуваме и за останатите видови на насилство врз жени, бидејќи во Македонија, тоа и не е правно регулирано со посебни закони, согласно позитивната меѓународна регулатива.
Преку донесувањето на новиот Закон за превенција, спречување и заштита од семејно насилство Република Македонија опфати само еден сегмент од насилството врз жената, бидејќи самиот закон не содржи родово базирана терминологија односно, освен во член 4 каде е даден Поимникот, законот не користи термини и дефиниции што овој вид на кршење на човековите права го определуваат како родово засновано насилство врз жените, т.е. насилство насочено против жената, само затоа што е жена, или коешто несразмерно ја погаѓа, ниту пак, ја става токму жената во центарот на координираните и кон потребите на жртвата насочени мерки на превенција, заштита и спречување на семејното насилство“.
Втора информативна средба во Јавна Установа Меѓу-општински центар за социјална работа - ШУТО ОРИЗАРИ
- Детали
- Создадено на Петок, 10 Јули 2015 14:41
Проектниот тим на проектот „Пристап до правда во Македонија“, проект кој се спроведува од страна на Македонско здружение на млади правници (МЗМП) Скопје, Национален Ромски Центар (НРЦ) Куманово, Младински културен Центар (МКЦ) Битола, Едукативно-хуманитарна организација (ЕХО) Штип, Избор Струмица и Здружение на граѓанско општество 8ми Септември Скопје, во координација на Фондација отворено општество - Македонија, организира и спроведува информативни средби во Јавната Установа Меѓу-општински центар за социјална работа – Шуто Оризари.
[Повеќе] - Соопштение
