Почетна - EcHO - Educational Humanitarian Organization

Дел од активностите на ЕХО во рамки на кампањата 16 денови на активизам против родово базирано насилство

Details: Created: 07 December 2021

Во рамки на кампањата 16 денови на активизам против родово базирано насилство, објавуваме дел од активностите со кои ЕХО дава значаен придонес во превенцијата, заштитата и спречувањето на насилството врз жени и семејното насилство..

Мултисекторските тимови на заедницата за ефикасна заштита на жените од насилство врз жени и семејно насилство ја претставуваат основата на моделот за интегративниот пристап што овозможува брз и лесен пристап до неопходните услуги за жени и девојки изложени на насилство. Ваквиот модел ЕХО го воспостави и го практикува во општините Штип, Струмица и Прилеп, со што се овозможува брза и ефикасна координација помеѓу давателите на услуги и ефективна заштита на жртвите.

Активности на ЕХО за придонес во превенцијата, заштитата и спречувањето на насилството врз жени и семејното насилство

Details: Created: 06 December 2022

Младите активистки на ЕХО претставуваат свежо ентузијастичко јадро на кое се потпира теренската работа, видливоста и иднината на ЕХО. Програмата „ЕХО млади“ опфаќа бројни активности за јакнење на капацитетите на младите активистки кои етапно се реализираат зависно од идентификуваните интереси и потребите на младите.

Презентација на родовите приоритети утврдени преку проектот “Преку женски активизам и иницијативи до родово инклузивна и одговорна општина”

Details: Created: 17 November 2021

Настанот го спроведува ЕХО Едукативно хуманитарна организација Штип, во рамки на проект “Вклучи се – побарај гласно!“ спроведуван од НСРР- Национален совет за родова еднаквост во соработка со АГОРА – Центар за промовирање на граѓански вредности.

Предавања за заштита од врсничко насилство

Details: Created: 05 October 2021

Деновиве нашата организација ЕХО на покана на Комисијата за еднакви можности од Општина Штип во соработка со СВР Штип, во основните училишта одржаа предавања за заштита од врсничко насилство на тема: „Биди другар, не насилник“. На овие едукативни дружења со учениците од основните училишта во градот под Исарот ЕХО сето ова го визуализираше со девет постери на кои беше прикажан различен вид насилство. Младите волонтерки на ЕХО им ги пренесоа пораките од постерите на заинтересирани ученици, информирајќи ги дека постерите се креација од нивни врсници, ученици од основните и средните училишта во Штип. Голема благодарност до училиштата и образовниот кадар кои ни посакаа топло добредојде и кои се отворени за уште многу заеднички проекти во иднина.

Проект: Мислам НЕ, велам НЕ и НЕ дозволувам

Details: Created: 19 July 2021

Проектот „Мислам НЕ, велам НЕ и НЕ дозволувам“ е наменет за млади девојчиња и момчиња во Штип.

Целта на проектот е да се сменат ставовите и однесувањето на младите девојчиња и момчиња преку едукација за препознавање и дејствување во заедницата за да се спречи насилството врз жените и девојчињата.

Охрабруваме интерактивна дискусија помеѓу девојчиња и момчиња за форми на насилство што тие не ги препознаваат затоа што се прифатени како „нормални“ во нивните односи и опкружување. Ги охрабривме преку нивно активно учество преку креативно изразување на сопствените ставови и сфаќања да придонесат за промена на јавната свест за неприфаќање, спротивставување и спречување на насилство врз жени и девојчиња и семејно насилство.

На 29 и 30 мај ЕХО одржа Арт работилница за млади во рамки на проектот „Мислам НЕ, велам НЕ и НЕ дозволувам“.

Успешно реализирана изложба на тема: „Мислам НЕ, велам НЕ и НЕ дозволувам“:
Младите активисти на ЕХО креираа постери со кои му се спротиставуваат на насилството и ги поттикнуваат другите да му кажат НЕ и да го препознаат истото.